"လူကြီးတွေကို အရင်သင်ရမယ်"
ဒီစကားလေးကိုကြိုက်လို့ ကြုံခဲ့ဖူးတဲ့ကိစ္စတခုကို ပြောပြချင်ပါတယ်။
နိုင်ငံခြားမှာနေထိုင်တဲ့ ကျနော်တို့မြန်မာလူမျိုးတွေအနေနဲ့ ဘုန်းကြီးကျောင်းတကျောင်းရှိအောင် ကြိုးစားရုန်းကန်ပြီးသကာလ၊ ကျောင်းထိုင်ဘုန်းကြီးတပါးလည်း အဆင်သင့်ရရှိခဲ့ပါတယ်။ တနေ့ နွေရာသီကျောင်းပိတ်ရက်မှာ ရင်သွေးငယ်တွေအတွက် ယဉ်ကျေးလိမ္မာသင်တန်းဖွင့်ဖို့ ကျနော်တို့မိဘတွေအစည်းအဝေးထိုင်ကြပါတယ်။
မိဘတော်တော်များများကတော့ ဘာလုပ်မယ်၊ ညာလုပ်မယ်နဲ့ မိုးလုံးလျှံတဲ့စကားတွေသုံးကြပါတယ်။
ကျနော်လည်း မအောင့်အီးနိုင်တော့ဘဲ
" ခလေးတွေကို ယဉ်ကျေးလိမ္မာသင်တန်းပေးမယ်ဆိုရင်၊ မိဘဖြစ်တဲ့လူကြီးတွေကိုလည်း သင်တန်းအရင်ပေးရမယ်လို့ "ပြောလိုက်ရော အကုန်လုံးရယ်ကြတယ်။
ကျနော်ကထပ်ပြောလိုက်ပါတယ်...
" ခလေးတွေ ယဉ်ကျေးလိမ္မာဖို့အတွက်၊ လူကြီးတွေအရင်ယဉ်ကျေးလိမ္မာဖို့ အလွန်အရေုးကြီးပါတယ်လို့ "
ဒါပေမယ့် ကျနော့်စကားတွေကို ဘယ်လိုသဘောပေါက်နားလည်သလဲတော့မသိဘူး၊ လူကြီးတွေအတွက် ဘာသင်တန်း(ဥပမာ အဘိဓမ္မာသင်တန်းစသည်ဖြင့်) မှ မရှိခဲ့ပါဘူး။
အနှစ်ချုပ်ကတော့ ရင်သွေးငယ်တွေအတွက် ယဉ်ကျေးလိမ္မာသင်တန်းလည်း ခလေးချင်းရန်ဖြစ်စကားများရင်း လူကြီးတွေထိပါလာလို့ (၂)ပတ်(၂ရက်တည်း/တနင်္ဂနွေဘဲသင်လို့)နဲ့ သင်တန်းပြီးသွားခဲ့ရပါတယ်။
* အစည်းအဝေးခေါ်ရင်လည်း မရောက်တဲ့လူကများများ၊ ရောက်လာတဲ့လူတွေလည်း ခေါ်တဲ့အချိန်ထက် အမြဲတမ်း နာရီဝက်လောက် နောက်ကျပြီးမှ လာတတ်တာ အခုချိန်ထိပါဘဲ။
ကျနော်တို့မြန်မာတွေရဲ့စိတ်ဓာတ်ကတော့ အံ့မခန်းပါဘဲ။
* ဒါတောင် " ပြောင်းလဲချိန်တန်ပြီ " ဆိုတဲ့စကားနဲ့ တလောတုန်းက သူငယ်ချင်းတယောက်နဲ့ စကားများကြသေးတယ်။
ကျနော်ပြောလိုက်တဲ့စကားကတော့ " မြန်မာလူမျိုးတွေရဲ့စိတ်ဓာတ် ပြောင်းလဲချိန်တန်ပြီ " လို့။
မကောင်းတဲ့ စနစ်၊ မကောင်းတဲ့ အကျင့်၊ မကောင်းတဲ့ စိတ်ဓာတ်တွေကို မပြုပြင်၊ မပြောင်းလဲသမျှ ကျနော်တို့နိုင်ငံနဲ့ လူမျိုးတွေ ဘယ်တော့မှကောင်းစားမှာ မဟုတ်ဘူး။
No comments:
Post a Comment